USSASSAARUT
TEST: Brugsenip aamma Pisiffiup imigassamik nioqquteqartarnermi sivikinnerusumik ammatitsisarnitik ataavartunngortippat
Pisisartut aallartinneqarsimasoq annertoorujussuarmik tapersersorpaat aamma pisiniartarnertik toqqissisimanarnerusumik misigaat, kiisalu Kalaallit Nunaanni Politiit nuannaarutigaat aallartinneqartup ingerlaannarnissaa.
Foto: Pisiffik
Brugsenip aamma Pisiffiup arfininngornikkut imigassamik nioqquteqartarnermi ammasarfiit allanngortinneqartut ataavartunngortippaat. Maajimi piffissap misiliiffiusup kingornatigut, tassani imigassaq aalakoornartortalik aatsaat nalunaaqutaq 12 arfininngornikkut pisiarineqarsinnaavoq, maannakkut pisiniarfiutileqatigiit taakkua marluk aaqqissuussineq ingerlateqqinniarlugu aalajangerput.
Misiliineq taanna atuutilersinneqarpoq akornusersuisarneq annikillisinniarlugu, tamanna arfininngornikkut ullaakkut pisarsimavoq, inuit aalakoortut unnuaanerani festernertik nangiinnaraangassuk kiisalu nangikkiarnerminut ingerlatillutik imigassamik aalakoornartortalimmik pisiniartarnerat pissutaalluni. Brugsenimit aamma Pisiffimmit misiliineq nalilersorneqarpoq, kiisalu suliffeqarfiit taakkua marluk inerniliipput, aallartinneqartoq kissaatigisamittut sunniuteqarsimasoq.
Pisisartut akornanni misissuinerup takutippaa tapersersuineq annertooq
Brugseni aamma Pisiffik pisisartut akornanni misissuinermik ingerlatsivoq, tassani takutinneqarpoq aaqqissuussinermut annertuumik tapersersuisoqartoq. Pisisartut tusindilikkaat misissuinernut peqataapput.
Pisiffimmi 71 % akissuteqarput, tassa aallartitsinerup namminneq pisiniarnerminni misigisartik toqqissisimanerulersillugulu atoruminarnerulersissimagaat. Brugsenimi 73,9 % akissuteqarput namminneq ammasarfiit nutaat siunissami ingerlatiinnarusullugit.
Pisortaaneq Per Steen Larsen aallartinneqartup pisiniarfinni iluarineqarnera nuannaarutigaa.
“Pingaartissimavarput misiliinerup nalilersorneqarnissaa misilittakkat, pisiniarfinni paasisimasavut tunngavigalugit. Pisisartut aaqqissuussinermut tapersersuippata aamma tamatumunnga ilutigitillugu takusinnaagutsigu, tamanna pisiniarfinni toqqissisimanermut tapertaasoq, taava ingerlaqqinnissaa assut isumatusaarneruvoq.”
Tamatumunnga ilutigitillugu tikkuussivoq, tassa ulluinnarni atugassanik pisiniarfiit peqataasinnaasut ajunngitsumik allanngortitsinissamut, tamatumuuna qulakkeerniarlugu akisussaassuseqartumik imigassamik aalakoornartortalimmik atuineq.
“Ulluinnarni atugassanik pisiniarfittut akisussaaffeqarpugut inueqatigiinnut peqataaffigisatsinnut ajunngitsumik tapertaanissamut. Aallartitaq tamanna aqqutigalugu pisiniarfinni toqqissisimanerunermik pilersitsiinnanngilagut, kisianni aammattaaq tapertaavugut Kalaallit Nunanni imigassamik aalakoornartortalimmik atuinermi akisussaaffeqarnerunermik.”
Piffimmi pisisartut amerlanerusut taamaalillutik akissuteqarput, iliuuseqarneq nangikkiarnissamut periarfissamik killiliinermut peqataasimasoq.
Brugsenimi pisortaaneq Allan Kristoffersen, isumaqarpoq aalajangerneq tassaasoq pissusissamisoortutut ingerlaqqinneq piffissap misiliiffiusup kingornatigut.
“Misiliineq aallartipparput tassani kissaatigigatsigu akisussaaqataanissarput akisussaassuseqarnerusumik imigassamik aalakoornartortalimmik atuinermik pilersitsinissamut. Ilaasortatta akornanni misissuinerup takutippaa pisisartutta aallartitsineq ajunngitsumik isumaqarfigigaat aamma pisiniarfinni pitsaanerusumik misigisaqartarsimapput allanngortitsinerup malitsigisaanik. Taamaattumik aallartitsinerup atuutsiinnarneqarnissaa toqqarparput.”
Politiit: Aallartitsineq pisiniarfinni toqqissisimanermik pilersitsivoq
Kalaallit Nunaanni politiit pisortaat, Bjørn Tegner Bay, aammattaaq takusinnaavaa aaqqissuussinerup atuutiinnalernissaanik aalajangerneq ajunngitsuusoq aamma ulluinnarni atugassanik pisiniarfiit aallartitaat tapersersorlugu.
“Assut iluarisimaarparput, tassa Brugseni aamma Pisiffik aaqqissuussinermik ingerlatitsiinnarnerat. Uagut misigisarput tassaavoq ammasarfiit allanngortinnerisa arfininngornikkut ullaap tungaani pisiniarfiit eqqaanni toqqissisimanerunermik pilersitsisimasoq. Tamanna pisisartunut aamma sulisunut annertunerusumik toqqissisimanermik pilersitsivoq, aamma taamaattumik nuannaarutigaarput maannakkut aaqqissuussinerup atuuttussanngortinneqarnera.”
“Tamanna assersuutaavoq pitsaasoq, tassa uagut tamatta peqataasinnaavugut imigassamut aalakoornartortalimmut tunngatillugu unamminartunut iliuuseqarnissamut. Najukkami ingerlatsisut piviusumik aallartitsinermut peqataappata, tamanna najukkami inuiaqatigiinnut annertuumik allanngortitsisinnaavoq.”
Ammasarfiit allanngortinneqartut kinguneraat, siunissami imigassamik aalakoornartortalimmik pisisinnaaneq arfininngornikkut aatsaat nalunaaqutaq ullup’qeqqa ammarneqartassaaq Brugsenip aamma Pisiffiup pisiniarfiini. Suliffeqarfiit taakkua marluk malillugit aalajangiinermut ilaasoq pisiniarfinni annertunerusumik iliuuseqarnissaq toqqissisimanermik pilersitsiniarluni, kiisalu Kalaallit Nunaanni imigassamik aalakoornartortalimmik atuinermi akisussaaffeqarnerulernissamut peqataarusunneq.
Pisiffik A/S suleqatigalugu aallaaserisaq suliarineqarpoq
