Aarhusimi Kalaallit Illuat pisortamik nutaamik atorfinitsitsivoq

Marie Annelise Kahlig ukiuni qulikkaani Aarhusimi Kalaallit Illuanni sulisimavoq. Maannalu pisortatut issiavimmut ingippoq.

Aarhusimi Kalaallit Illuat nutaamik pisortartaarpoq.

Foto: Leiff Josefsen

Hanna Hviid Hanna Hviid Tusagassiortoq

Saqqummersinneqarpoq 15. anovembari 2025 - 15:33

Annonce

Aarhusimi Kalaallit Illuanni siulersuisut isumaqatigiillutik Marie Annelise Kahlig pisortatut nutaatut toqqarpaat.

Maire Annelise Kahlig aqutsinermut, periusissiornermut, aningaasaqarnermut, kulturimik paasisimasaqarnermut ineriartortitsinermullu tunuliaqutaqarluarpoq.

Atorfimmi nutaajunngilaq, 2025-mimi pisortatut atuuppoq, ukiunilu qulikkaanni illumi pingaarutilinnik atorfeqartarpoq, ilaatigut HR-mi pisortatut pisortallu tulliatut.

Taama Aarhusimi Kalaallit Illuat tusagassiuutinut nalunaarummi allappoq.

Marie Annelise Kahlig pisortatut sulinermi, pilersaarusiortarnermi, aningaasaqarnermi, kulturimik paasinninnermi ineriartornermilu misilittagaartuujuvoq, kalaallisullu danskisullu oqaaseqartuulluni. Nuummi peroriartorpoq annertuumillu kulturimik ilisimasaqarluni, tamannalu illup Kalaallit Nunaata Danmarkillu akornanni attaveqarnermik suliaqarnerani pingaaruteqarluinnartuuvoq.

- Mariap suliani nukittussutsimik, pisortatut misilittagaqarnermik kulturikkullu ilisimasaqarnermik katerititsivoq. Ilinniagaqartunut, innuttaasunut suleqatinullu iluaqutaasumik Aarhusimi Kalaallit Illuata ineriartorneranik nangitsinissaa qilanaaraarput, siulersuisut siulittaasuat Kjeld Mørch Stigsen oqarpoq.

Annonce

Marie Annelise Kahlig isumaqatigiissuteqarneq malillugu atorfimmini sulilissaaq.