KL

DK

PISIFFIK AAMMA BRUGSENI

Anguniagaq tapersersorparput – kisermaassinissaanngitsorli

Imigassamik aalakoornartortalimmik tuniniaanerup nuna tamakkerlugu kisermaanneqarnissaa pillugu niuertarfiit qularuteqarput. Niuertarfeqarfiit marluk imigassamik aalakoornartortalimmik atornerluinerup pinaveersaartinnissaanik anguniagaq tapersersorpaat, kisermaassinerli atuisartunut suliffinnullu ajoqutaassasoq mianersoqqussutigaat

- Monopoliqassappat isumaqarpoq isertitat annertuut namminersortunit tammarnissaat, tamannalu ingerlatseqatigiiffinnik matoqqanermik, suliffinnik annaasaqarnernik akitsuinernillu kinguneqarsinnaavoq, atuisunut inuiaqatigiinnullu tamarmiusunut ajoqusiisunik, Pisiffik Kalaallillu Nunaanni Brugseni ataatsimoorlutik oqarput Assi nammineq pigisaq
Oline Inuusuttoq Olsen
Oline Inuusuttoq Olsen Tusagassiortoq
Saqqummersinneqarpoq

– Anguniagaq tapersersorparput – kisermaassinissaanngitsorli, Pisiffimmi siulersuisuni siulittaasoq Julia Pars Brugsenimilu siulersuisuni siulittaasoq Avijâja Rosing-Olsen naalakkersuisut qaammatip aallartinnerani ukiuni arlalinni uppernarsaatinik tunngaveqarluartumik imigassaq aalakoornartortalik pillugu politikkimik siunnersuuteqarnerannut qisuariaateqarlutik ataatsimut nalunaaruteqarput.

Niuertarfeqarfiit marluk, Pisiffik aamma Kalaallit Nunaanni Brugseni, akisussaassuseqarlutik tuniniaasarlutik, pisisut ukiuinik misissuisarlutik, sulisunik ilinniartitsisarlutik imigassanillu aalakoornartortaqanngitsunik amerlanerusunik tuniniagaqartarlutik erseqqissaapput.

– Anguniagaq tapersersorparput – kisermaassinissaanngitsorli, Pisiffimmi siulersuisuni siulittaasoq Julia Pars Brugsenimilu siulersuisuni siulittaasoq Avijâja Rosing-Olsen naalakkersuisut qaammatip aallartinnerani ukiuni arlalinni uppernarsaatinik tunngaveqarluartumik imigassaq aalakoornartortalik pillugu politikkimik siunnersuuteqarnerannut qisuariaateqarlutik ataatsimut nalunaaruteqarput.

Imigassaq aalakoornartortalik pillugu politikki politikkikkut isumaqatigiinniassutaassasoq

Imigassaq aalakoornartortalik pillugu politikkimik ukiorpassuarni atuuttussamik uppernarsaatinillu tunngaveqarluartumik saqqummiussinermut atatillugu politikkikkut oqallittoqalerpoq.

- Politikkikkut oqallinnissamut maanna piffissanngorpoq. Siunissami qanittumi, ajornanngippallu ukiap ingerlanerani, Inatsisartuni oqallittoqassaaq. Inassuteqaatit pillugit, inassuteqaatillu suut imigassaq aalakoornartulik pillugu politikkimut nutaamut ilanngunneqassanersut, politikkikkut isumaqatigiinniartoqassaaq, peqqissutsimut naalakkersuisoq Anna Wangenheim (D) oqarpoq.

– Inatsisartut qulangiinnarlugit pisoqassanngilaq. ilaqutariit, inuusuttut meeqqallu pitsaanerpaamik isumagineqarsinnaaqqullugit Inatsisartut isumaqatigiinniarnermi peqataatinneqarnissaat pingaaruteqarpoq, Mads Pedersen (IA) oqarpoq.

Niuertarfeqarfiit marluk, Pisiffik aamma Kalaallit Nunaanni Brugseni, akisussaassuseqarlutik tuniniaasarlutik, pisisut ukiuinik misissuisarlutik, sulisunik ilinniartitsisarlutik imigassanillu aalakoornartortaqanngitsunik amerlanerusunik tuniniagaqartarlutik erseqqissaapput.

– Inuiaqatigiinni akisussaaffik pimoorupparput. Tunisaqarnerulernissaq pinnagu siunissamut ungasissumut aaqqiissutissanik nioqqutissanillu peqqinnarnerusunik pilersitseqataarusuppugut, erseqqissaapput.

Aningaasatigut kingunerinut mianersoqqusisut

2026-mut aningaasanut inatsisissatut siunnersuut naapertorlugu ukiumi naatsorsuusiorfiusumi 2024-mi imigassap aalakoornartutallip tunisaaneranit akitsuutinit isertitat 195,9 millionit koruuniullutillu 2025-mut missingersuutigineqartut 218,5 millionit koruuniupput, aappaagumullu 220,2 millionit koruuniussasut missingersuutigineqarpoq.

Niuertarfeqarfiit taakku marluk naapertorlugit nunatsinni kisermaassilluni niuerneq namminersortut niuernerannut annertuumik sunniuteqassaaq.

– Namminersorlutik niuertut isertitaasa annertuut annaaneqarnissaat kisermaassilluni niuernerup kingunerissavaa, tamannalu suliffinnik annaasaqarfiusinnaallunilu atuisunut inuiaqatigiinnullu tamanut ajoqutaasumik akit qaffakkiartornerannik kinguneqarsinnaavoq, taakku oqarput.

Pisiffiup Brugsenillu Norgemi Sverigemilu misilittakkat innersuussutigaat, taakkualu naapertorlugit kisermaassilluni niuerneq atornerluinermik annikillisaajuaannarani nioqqutissalli akitsoraluttuinnarnerannik kinguneqartarpoq.

Suleqatigiinnissaq kissaatigigaat

Suliffeqarfiilli inuussutissarsiuteqartut oqartussallu pinaveersaartitsinermut akisussaassuseqarnermullu tunngatillugu suleqatigiinnerulernissaat kissaatigaat.

– Suleqatigiinnissaq inerteqquteqarnermiit iluaqutaanerussasoq upperaarput. Imigassaq aalakoornartortalik pillugu politikki nutaaq pinaveersaartitsinermik, paasissutissiinermik inunnillu isumaginninnikkut suliniuteqarnermik tunngaveqartariaqarpoq — killilersuinerunani kisermaassinerunaniluunniit.

Nunatsinni kisermaassinissamut siunnersuut

Kisermaassinissamik siunnersuut ukiuni arlalinni uppernarsaatinik tunngaveqarluartumik imigassaq aalakoornartortalik pillugu politikkimit Anna Wangenheimip (D) aamma Maasi Pedersenip (IA) qaammammi matumani siusinnerusukkut saqqummiussimasaannit aallaaveqarpoq.

Tassani imigassamik aalakoornartortalimmik tuniniaanerup tamarmi ukiut tallimat ikaarsaarfeqarnikkut Pilersuisumit nunatsinni kisermaassilluni aqunneqartalernissaa siunnersuutigineqarpoq.

Aamma pisinissamut ukiut killiliussaasut 18-iniit 21-nut qaffanneqarnissaat, taamatuttaarlu ulluinnarni tuniniaanerup nalunaaqutaq qulinit arfernup tungaanut ammasarnissaa kiisalu sapaatini nalliuttunilu matoqqasarnissaa siunnersuutigineqarpoq.

Naalakkersuisut naapertorlugit imigassamik aalakoornartortalimmik pisisinnaaneq atornerluinerlu annikillisinniarneqarput. Siunertaq Pisiffiup Brugsenillu tapersersorpaat - periusiunngitsorli.

 

Abonnementer

For at læse videre skal du være abonnent! Log ind

Sermitsiaq.gl - web artikler

  • Adgang til alle artikler på Sermitsiaq.gl
  • Pr. måned kr. 59.00
  • Pr. år kr. 650.00
Vælg

Sermitsiaq - E-avis

  • Adgang til Sermitsiaq e-avis som udkommer hver fredag
  • Adgang til alle artikler på Sermitsiaq.gl
  • Pris pr. måned kr. 191
  • Pris pr. år kr. 1.677
Vælg

AG - Atuagagdliutit E-avis

  • Adgang til AG - Atuagagdliutit e-avis som udkommer hver onsdag
  • Adgang til alle artikler på Sermitsiaq.gl
  • Pris pr. måned kr. 191
  • Pris pr. år kr. 1.677
Vælg

Sermitsiaq.AG+

  • Adgang til AG - Atuagagdliutit e-avis som udkommer hver onsdag
  • Adgang til Sermitsiaq e-avis som udkommer hver fredag
  • Adgang til alle artikler på Sermitsiaq.gl
  • Adgang til Arnanut e-magasin
  • Adgang til Nutserisoq.gl
  • Ved interesse send en mail til abonnement@sermitsiaq.gl
Vælg

Kære Læser, Velkommen til Sermitsiaq.gl – din kilde til nyheder og kritisk journalistik fra Grønland. For at kunne fortsætte vores vigtige arbejde med at fremme den frie presse og levere dybdegående, kritisk journalistik, har vi indført betaling for udvalgte artikler. Dette tiltag hjælper os med at sikre kvaliteten af vores indhold og støtte vores dygtige journalister i deres arbejde med at bringe de vigtigste historier frem i lyset. Du kan få adgang til betalingsartiklerne fra kun kr. 59,- pr. måned. Det er nemt og enkelt at købe adgang – klik nedenfor for at komme i gang og få fuld adgang til vores eksklusive indhold. Tak for din forståelse og støtte. Dit bidrag hjælper os med at fortsætte vores mission om at levere uafhængig og kritisk journalistik til Grønland.

øl pisiffik pilersuisoq naalakkersuisut monopol maasi pedersen kalaallit nunaanni brugseni julia pars inatsisartut erhverv aviäja rosing-olsen anna wangenheim alkoholpolitik alkohol ukiunut arlalinnut tunngasumik uppernarsaasersukkamik alkoholpolitikimut inassuteqaatit

– Se alle jobs

– Se alle jobs

Powered by Labrador CMS