Annonce
Toqqissisimaneq - Inissaqarniarneq
Ilanngussaq qinigassanngortittup kisimi isumagaa. Sermitsiamiit ilanngussanik allanngortitsineq ajorpoq, peersisinnaallunili.
Dette indlæg er udelukkende udtryk for kandidatens egen overbevisning. Sermitsiaq redigerer ikke i indholdet, men forbeholder sig ret til at fjerne indlæg.
Dette indlæg er udelukkende udtryk for kandidatens egen overbevisning. Sermitsiaq redigerer ikke i indholdet, men forbeholder sig ret til at fjerne indlæg.
Erik HK Heilmann-imik ateqarpunga 40-unik ukioqarpunga Demokraatillu sinnerlugit qinigassanngortillunga. Maannakkut Demokraatet sinnerlugit Nuup Kommunalbestyrelseani ilaasortaavunga.Jeg hedder Erik HK Heilmann og opstiller for Demokraterne. Jeg er fortiden medlem i Nuup Kommunalbestyrelse på vegne af Demokraterne.
Kommuunerujussuarmi innuttaasut tamarmik neqeroorfigineqassapput inissamik tamanut attartortittakkamik initaarsinnaanissaannut ukiut 28-it utaqqeqqaaratik. Taamaasilluta innuttaaqatigut tamaasa periarfississavagut akissarsiat tunngaviginagit akilersinnaasaannik inissaqarnissaannut.Nunatsinni Naatsorsueqqissaartarfiup saqqummiussaa tunngavigalugu qimerluuigutta takusinnaavarput kommuunerujussuassami tunu/kitaani inissiat amerlassusiat ima isikkoqartoq, 2003-mi 7.600 missaat aammalu 2006-imi 7.900 missaat, inissiat amerlissutaat pisimapput Ammassalimmi aamma Nuummi, taamaasilluni Paamiuni aammalu Ittoqqortoormiini nutaanik sanasoqarsimanani. Naatsorsueqqissaartarfiup paasissutissaataatigut Ivittuunut atatillugu paasissutissanik pissarsisinnaasimanngilanga.
Apeqquteqaateqarnimma kingorna 24. september 2007 Kommunalbestyrelsemi ataatsimiinnermi akissutisivunga, Nuummi inissiat 2.000 missaat amigaatigineqartut, innuttaasut 25-ileereersimasut tamaasa inissaqartissagutsigit, tamatumunngalu tapiliullugu nalunaarutigineqarpoq inissat 2.500 missat pisariaqartikkigut, innuttaasut 20-ileereersimasut tamaasa inissaqartissagutsigit.
Nuup Kommuneani aningaasanut naatsorsuummi 2007 aamma 2008 tunngavigalugu takuneqarsinnaavoq inissiat 200-iut sanaartorniaraat, taakkulu siulliit sananeqartussat 48-ut sanaartorneqalerlutik Akunnerni. Inissialli pisariaqartinneqartut amerlassusaat qimerloorutsigit takusinnaavarput naammanngerujussuartut. Ukiumiit ukiumut sanaartorneqartartut amerlanerujussuusariaqarput, utaqqisunut allatsissimasut amerlisinnaveersaartiinnassagaanni.
Tamanna tunngaveqarpoq Nunatsinni Naatsorsueqqissaartarfiup missingersersuutaani ukiumut 200 missaannik inuttunerulertarsinnaanissaa missingerneqarnikuummat, piviusorli tunngavigigaanni 300 missaat tunngavigissallugu eqqortuunerugunarpoq.
Nalunngilara soqutigisama iluanniittut ajornartorsiutit amerlasuut aammalu annertuut ullormiit ullormut iluarsineqarsinnaanngitsut, uangali upperaara kommunalbestyrelsemi ataatsimik ilaasortaqarpat, ullormiit ullormut, qaammammiit qaammammut pingaartitsilluni tulleriissaaraluni sulisumik, taava suliniutikka iluatsissaqqaarput, taamaasillugalu allanngueqataallunga.
Illit sullisserusunneq, ataqatigiissaarineq aammalu piumassuseqarneq tapersersorukku, taava 8. april 2008 Erik HK Heilmann qineruk ? Illit uannut tapersersuinissat pisariaqartippara, taamaasillutimmi sunniuteqaqataanerit nukittorsassavat aammalu uanga illit sullisissavakkit!