Thomas Thygesen Avannaata Qimussersuanngorpoq
Avannaata Qimussersuanngorniuunneq Ilulissani arfininngornermi ingerlanneqarpoq.
Saattormiu Thomas Thygesen pisarnertut Avannaata Qimussersui ingerlanneqarmat ajugaavoq.
KNR toqqaannartumik unamminermik aallakaatitsoq taama allappoq.
Qimussimik sukkaniuunneq Ilulissani arfininngormat pivoq, Thomas Thygesenilu siorna apuuttut tallimarisaat, ukioq manna Qimussersuanngorpoq.
Sukkaniuunnermi apuuttut tallimat siulliit ukuupput:
1. Thomas Thygesen, Saattut
2. Henrik Jensen, Ilulissat
3. Ilannguaq Berthelsen, Ilulissat
4. Kaali Lund Mathiassen, Ilulissat
5. Jonas Kristensen, Aasiaat
Thomas Thygesen qimminilu minutsimik ataatsimik affarmillu Henrik Jensenimit Iluliarmiut sukkanerulaarlutik apuupput.
Kinguninnguaq Ilannguaq Berthelseni 3-nngorluni apuuppoq. Siorna 4-nngornini taamaalilluni ukioq manna siuariarfigaa.
Milan Mathæussen, siorna 15-inik ukioqarluni, Avannaata Qimussersuanngorpoq.