TAEKWON-DO
Nunanut allanut unammisartut kuultinnapput, sølvinnallutik bronzennallutillu
Kalaallit Nunaannit timersortartut arfinillit Taekwon-Do-mi unammiuaarnermi West Sweden Taekwon-Do Championshipimi sapaatip-akunnerata naanerani peqataapput. Nunanut allanut unammisartut kuultinnapput, sølvinnallutik bronzennallutillu.
Annonse
Arfininngormat marsip 23-ani taekwondortartut arfinillit nunatsinneersut Sverigep kitaani Taekwon-Do-mi pissartanngorniunnermi Göteborgimi ingerlanneqartumi peqataapput.
Timersortartut misilittagaqarluartut pingasut, Lars Lennert Abelsen, Maasi Davidsen aamma Inukkuluk G. Lennert, kiisalu timersortartut piukkunnartut nutaat pingasut, Kjeld Lundblad, Malik Sivertsen aamma Angutinnguaq Nielsen, peqataapput.
Timersortartut nutaat taakku pingasut nunanit tamalaanit peqataaffigineqartumi unammerngaarput.
Katillugit ujammit arfinillit
- Maanna unammineq naammassisimalerpoq, nunatsinnillu peqataasut angusarissaarluarput.
Angutini inersimasuni unammeqataasup Lars Lennert Abelsenip Tul-imi aammalu inersimasuni frikampimi unammeqataasup Maasi Davidsenip guldi pissarsiarivaat. Inuusuttuaqqani tul-imi peqataasup Angutinnguaq Nielsenip aammalu tul-imi inersimasuni unammeqataasup Inukkuluk G. Lennert-ip sølvi pissarsiarivaat. Frikampimi unammeqataasut Malik Sivertsenip aammalu Kjeld Lundblad Petersenip bronze pissarsiarivaat.
West Sweden Championshipimut ilaatigut nunat Norge, Tyskland, Polen aammalu soorunami Sverige peqataatitaqarput.
- Peqataaneq pissarsiaqarfiulluarpoq, maanna peqataasut EM-imut piareersagassatik ilisimalluarluarlugit nunatsinnut angerlarsinnaanngorput. Ukioq manna Taekwon-Do EM apriilip qiteqqunnerani Sloveniami ingerlanneqassaaq.
Taekwon-Do-mik nunanut allanut unammisartut Elite Sport Greenlandimit tapersersorneqarput.
