ARCTIC WINTER GAMES
Kalaallit ujaminnalluartut
Kalaallit inuusuttai Arctic Winter Gamesimi, Alaskami Mat-Sumi pisumi piginnaasatik takutilluarpaat.
Annonse
Timersortartut inuusuttut 48-t Kalaallit Nunaanneersut ukioq manna timersornerni assigiinngitsuni tallimani unammipput: Issittumi unammiuaarnerit, sulorarneq, sisoraatinik oqilaniunneq, snowboard aamma Dene Games.
Unammiuaarnerit sapaammiit marsip qulinganiit arfininngornermut marsip 16-iannut ingerlanneqarput.
Timersortartut inuusuttut katillugit ataatsimut 56-inik ujaminnapput, tassa guultinik 25-nik, sølvinik 11-nik bronzenillu 20-nik pinnallutik.
Arctic Sports aamma Dene Games guultinnattut
Arctic Sports, Dene Games aamma sulorarnermi kalaallit peqataasut kuultinnannerupput. Randi Sigurdsen One Foot High Kick-imi, Two Foot High Kick-imi aamma All Aroundimi pingasunik kuultinnappoq. Lars Jeremiassen aamma One Foot High Kick-imi, Alaskan High Kick-imi aamma All Aroundimi pingasunik kuultinnappoq.
Angusat amerlanerusut Arctic Winter Gamesip nittartagaani takuneqarsinnaapput.
