Maralluk ‘angakkuagaq’ piviusulersaarummi nutaami sammineqarpoq

Ujarassiuup tusaamasap Minik Rosingip sermersuarmit sermip aanneraneersunik qajuusaasanngorsimasunik misissuinera, filmiliornermik ilitsersuisartup Jakob Gottschauip ukiuni arfineq-pingasuni malinnaavigisimavaa.

Piviusulersaarut ’Magisk Mudder’-imik qulequtalik sisamanngorpat Københavnimi piviusulersaarutit festivalianni CPH:DOX-imi takuteqqaarneqassaaq.

Sermip aanneraneersunik qajuusaasanngorsimasut nunap inuussutissaqarpianngitsup pitsaanerulersinnissaanut atorneqarsinnaanerinik, taamaaliornikkullu naligiinnginnermik annikillisitsisumik orpippassuarnillu ikuallaasarnermik killilersimaartitsisumik nunani siuarsarniakkani nerisassanik tunisassiornerup annertusineqarsinnaaneranik Minik Rosingip isumassarsiaa, Jakob Gottschauip alutoringaaramiuk filmiliaq taanna sanavaa.

Iluatsilluartut iluatsinngitsullu

- Ilisimatusartoq silarsuarmi ajornartorsiutinik nassuiaaniaannarani aaqqiiniarsarisoq filmimi oqaluttuarineqarpoq, Jakob Gottschau filmi pillugu allappoq, tassanilu suliniut iluatsilluartarlunilu iluatsinngitsunik ulikkaarpoq:

- Minik Rosing ilisimatusartullu Brasiliami ilisimatusarfimmik suleqateqarnissartik sulissutigaat, suleqatigiinnerlu aallartinniarlugu tamarmik Brasiliamut aallarput. Allaffissornikkulli attaveqaqatigiinnermilu ajornartorsiutit pissutigalugit suleqatigiinnissaq iluatsinngitsoorpoq.

- Fynimi qungulernik naatitsilluni misileraanermi narsaat sullinernit millionilikkaanit saassunneqarmat misissuisartut iluatsitsisimanngillat.

Danmarkimi Carlsbergip nunaataani misileraaneq ingerlalluarpoq, tassanilu sanaartornermik nakkutilliisup angusat takugamigit ima oqarpoq: "tupinnaqaaq, tupinnarujussuaqaaq".

Danmarkimi Carlsbergip nunaataani misileraaneq ingerlalluarpoq, tassanilu sanaartornermik nakkutilliisup angusat takugamigit ima oqarpoq: „Sianiilliorneruvoq, sianiilliorneruvoq.“

Filmimut takussutissiaq uani takuneqarsinnaavoq.