Yussuf Poulsenip misigittaannerata danskit VM-imi ammaanersiornermi ajugaatippai
Danmarkip Peru 1-0-mik ajugaaffigimmagu Yussuf Poulsen straffertitsivoq, kisianni taamaakkaluartoq unamminermi arsarluarnerpaa.
Danmarkip isikkammik arsarluni nunanut allanut unammisartui angusatigut Ruslandimi silarsuarmi pissartanngorniunnermi aallartilluarput.
Akunneq ataaseq arsareernerup kingorna Yussuf Poulsen isertitsilluni arsarluarnerpaanngormat Arfininngornermi unnukkut ilungersorlutik Perumut 1-0-mik ajugaapput.
Taanna Poulsen unamminerup immikkoortuani siullermi straffertitsisuuvoq, tamanna videokkut dommerimik VAR-mik (Video Assistant Referee) ikiorserneqarluni aalajangiiffigineqarpoq.
Peru periarfissarujussuaqartaraluarluni Kasper Schmeichelip målianut straffernermi isertitsinngitsoorpoq.
Danmark ajugaanermini gruppe C-mi pingasunik pointinnappoq, ataatsimik målerneqalerluni, Frankrigilu aamma taama assinganik inissisimavoq, arfininngornermi siusinnerusukkut Danmarkip VM-imi unammisassaata tullianut Australiamut 2-1-mik ajugaagami.
/ritzau/