Timelærerit amigaateqalernissaq pinngitsoortissavaat
Meeqqat atuarfiat ukiut arlaqanngitsut qaangiuppata ilinniartitsisunik piukkunnartunik hunnorujulikkaanik amigaateqarfiusussaq, atuarfinni ullumikkut timelærererpassuarnit pinngitsoortinneqassaaq.
Timelærererpassuit piginnaanngorsarneqarnissaat pilersaarutaavoq, kisianni misissueqqaarnissaq pisariaqarpoq.
Qulaajaaneq
Ilinniartitaanermut naalakkersuisup Vivian Motzfeldtip suliaq annertooq aallartinneqarsimasoq paragraf 37-mut Jens Napãtôkimut akissummi ilisimatitsivoq, taamaalilluni timelærerit piginnaasarpassui qulaajarneqassammata.
Timelærerinut ataasiakkaat ilinniarteqqinnissaannut neqeroorutit suut eqqortuunersut paasiniarlugu pisariaqartitaat qulaajarneqassapput.
Timelærerit piginnaasaat, misilittagaat aamma piumassusaaat pillugit paasissutissanik maanna amigaateqarneq unammilligassaavoq.
Apeqqutit akisassat
- Suliassaq ingerlaatsimik taamaattumik sunaassusilersuinermik imaqartoq qulaajaanerlu timelærerinut atatillugu ilaatigut apeqqutinik akisassanik skema atorlugu sammisami tassani aallartinneqareerpoq, Vivian Motzfeldt ilisimatitsivoq.
Timeæørerit piginnaasaat pillugit tunngaviusumik ilisimasat pisariaqartinneqartut katersorneqareerpata, Ilinniartitsinermik Ilisimatusarfimmi pikkorissaanernik timelæreropassuarnut tulluarsakkanik pilersitsosoqassaaq.
Ukiut arlaqanngitsut qaangiuppata meeqqat atuarfianni ilinniartitsisut hunnorujulikkaat amigaataanissaat siulittuutigineqarpoq. Ilinniartitaanerup iluani tamanna ajalusoortitseriaannaavoq, maannalu timelærerit maanna Nunatsinni atuarfippassuarneereersunut ukkatarineqalernannut tamanna nassuiaatissaavoq.