Partiip karsia imaarneqartoq: Siumut 1,5 millioner koruuninik akiitsoqarpoq
2017 Siumut tassaalerpoq ukioq akisooq. Nunatsinni partiit annerpaartaat partiip naatsorsuutaani 1,1 millioner koruuningajannik amigartooruteqarpoq. – Maanna sipaarnialerpugut, partiip allattaa oqarpoq.
Inatsisartuni partiit amerlanerpaartaat 2017-imi aningaasaqarnerminnik pitsanngoriartitsisimapput. Siumumulli taama pisoqarsimanngilluinnarpoq, AG allappoq.
Tassani 1.080.000 koruunit amigartoorutigineqarput, tassa 1,1 millioner koruuningajaat. Partiip angisuup nammineq aningaasaatai maanna -1,4 millioner koruuniupput.
Partiip akiitsutigut pisussaaffii tamarmiusut maanna 1,5 millioner koruuninik amerlassuseqalersimapput.
AG partiimi aaqqissuussaanikkut siulittaasup tullia, Evelyn Frederiksen, attaveqarfigigaluarparput, taassumali amigartooruteqarneq oqaaseqarfigerusunngilaa, taarsiulluguli partiip allattaa Mikael Petersen innersuussutigalugu.
Taanna ima oqarpoq:
- Amigartooruteqarneq soorunami tamatigut pakatsinartuusarpoq. Maannali sipaarniarluta aallartissimavugut. Sutigut tamatigut sipaarniarpugut, pingaartumik ingerlatsinermut aningaasartuutitsinni, oqarpoq.
Allaaserineqartoq aviisimi AG-mi tamakkiisumik atuarneqarsinnaavoq. Aviisi aqagu pingasunngornermi saqqummissaaq, taamaattoq uani pisiarineqarsinnaalereerpoq: