Pan Am: Kalaallit Nunaat ammaanersiornermi ajugaallualaavippoq

Kalaallit angutit nunanut allanut unammisartuisa Colombia 35-24-mik Pan Amimi ajugaaffigaat

Arfininngornermi Kalaallit Nunaata aamma Colombiap unamminerani Inussivimmi qiimasoqarpoq.

Kalaallit angutit assammik arsarlutik nunanut allanut unammisartui Amerikap nunavittaani pissartanngorniunnermi målinik aqqanilinnik ajugaavoq.

Inussivimmi inuit qiimapput, kalaallillu unammisartui takutitsilluarput. Kalaallit Nunaat muminnermi 28-11-mik siuaqqavoq, tassanilu kalaallit unammisartui Colombiamiut unammisartuinik ammaallutik periarfissarsiornissartik ajornakusoortinngilaat.

Muminnerup kingorna unammilluarnertik nangippaat, piffissallu ilaani målinik qulinik amerlanerusunik siuaqqasarput.

Minutsit 45 ingerlareerneranni nunanut allanut unammisartut sungiusaasuata Ingi Olsenip arsartut nikisippai, tassani kalaallit unammisartui tamarmik arsartinneqarlutik. Kalaallit nunanut allanut unammisartuisa aamma saassussinermi amerlanerussuteqarniarlutik arfineq-marluullutik arfinilinnut unammineq misilippaat. Tamanna Colombiap ajornanngitsumik isertitsisarneranik kinguneqarpoq.

Kisianni kalaallit nunanut allanut unammisartui ammaanersiornermi ajugaallualaavipput, ullumikkullu Paraguayimut unammissapput.

Arfininngornermi unammisut:

Gruppe A:

Argentina - Peru: 48-8

Chile - Puerto Rico: 33-26

Gruppe B:

Uruguay - Paraguay: 34-25

Brasilien - Canada: 42-13

Kalaallit Nunaat - Colombia: 35-24

Søndagens kampe:
Gruppe A:

Kl. 14.00: Argentina - Puerto Rico

Kl. 18.00: Chile - Guatemala

Gruppe B:

Kl. 12.00: Canada - Uruguay

Kl. 16.00: Brasilien - Colombia

Kl. 20.00: Paraguay - Kalaallit Nunaat

Powered by Labrador CMS