Nunaqarfimmi nunap sisoorsimanera pillugu unammillernartorpassuit
Siorapalummi siallerujussuarnerani annertuumik nuna sisoornikuuvoq kuussuullu qaaneratigut nunaqarfik aqqusaalutorinikuullugu annertuumik aaqqissugassanngorlugu. Ikiorsiisoqarnissaa IA-mi Inatsisartuni ilaasortap ujartorpaa
Siorapalummi nunap sisoorsimanera pissutigalugu ikiorsiisoqarnissaa IA-mit Mikivsuk Thomassenip ujartorpaa.
- Siorapalummi siallerujussuarnerani annertuumik nuna sisoornikuuvoq kuussuullu qaaneratigut nunaqarfik aqqusaalutorinikuullugu annertuumik aaqqissugassanngorlugu, Mikivsuk Thomassen Naalakkersuisunut apeqquteqaammi ilaatigut allappoq.
Ikiorsiinissamut kikkut akisussaasuussanersut ilaatigut apeqqutigaatigaa, isumaqarporlu pisoq ima annertutigisimanersoq Namminersorlutik Oqartussaniit iliuuseqarfigineqartariaqarluni.
- Qaqqaasoq appaliarsoqarfittalik nunaqarfimmut annertuumik eqquisuulluni, illut ilaat angullugit nuna sisoornikuulluni, kuussuarnertalimmik nunaminertallu ilai aseruatiterujussuarnikuullutik, aqqusineeqqallu ilaat atorneqarsinnaajunnaarnikuullutik, nunaqarfiullu nunataata ilarujussua aaqqissugassanngorluni, allappoq.
Ikiorsiinissamut atatillugu suliniuteqartoqarnissaa kissaatigaa.