Namminersorlutik Oqartussat erfalasulerlutik kukkuluttoqqittut

Namminersorlutik Oqartussat ulluni sorlerni erfalasulertarnissartik erfalasulertannginnissartillu kukkuluttuutigisaqattaarpaat. Aamma ataasinngormat inuk toqukkut qimagutereersoq pillugu erfalasulertoqarpoq.

Namminersorlutik Oqartussat juunip tallimaanni inatsisitaarfimmi – Danmarkip inatsisitaarfiani erfalasulernissartik puigorpaat. Illuanik ippassaq ataasinngornermi juunip 11-anni Nuummi Namminersorlutik Oqartussat illutaani erfalasoq amuneqarpoq.

Ulloq erfalasulerfik peerneqartoq Juunip 11-at Nunatsinni Naalagaaffiup Sinniisoqarfiata ulloq erfalasulerfiujunnaartinnikuugaluarpaa.

- Kunngikkormiutut Ataqqinassusilik Prins Henrik toqukkut qimagunnikuuvoq, taamaattumillu juunip 11-anni inuuiani erfalasulertoqartarunnaarpoq, Naalagaaffiup Sinniisoqarfiani pisortap tullersortaa Jan Bønæs Namminersorlutik Oqartussanut, kommuninut aamma naalagaaffiup immikkoortoqarfiinut allakkami maajip 24-anni nassiunneqartumi allappoq.

Danmarkimi Prins Henrik pillugu erfalasulertoqanngilaq, tamannalu pillugu Justitsministeriet ilitsersuummik nassiussisimavoq.

Sermitsiaq.AG Naalakkersuisut siulittaasoqarfianni pisortaagallartumut Tina Davidsenimut nassuiaatissarsiorpoq. Taanna Naalagaaffiup Sinniisoqarfianut unnersuussivoq.

Tupiginngikkaa

Namminersorlutik Oqartussat naak Naalagaaffiup Sinniisoqarfianit maajip 24-anni paasitinneqaraluarlutik ippassaq erfalasulernerat, Jan Bønæsip tupigusuutiginngilaa.

- Tamannami pisinnaavoq. Nutaamimmi nalunaarusiorniarneq piffissamik atuiffiusinnaavoq, Jan Bønæs oqarpoq.

Ullut erfalasulerfiusut

Naalagaaffiup sinniisoqarfianit allakkami aamma ilisimatitsissutigineqarpoq, ‘’naalagaaffiup immikkootoqarfii kalaallit erfalasuannik, Erfalasorput, juunip 21-anni aamma savalimmiormiut erfalasuannik, Merkiđ, juunip 29-anni erfalasulertassapput’’.

Aammattaaq juunip 29-at ‘’den nationale festdag, Olai Dag’’-imut allatut taaguuteqarlersinneqarsimasoq nalunaarutigineqarpoq.

Inussiarnisaarluni erfalasulertarneq

- Naalagaaffiup sinniisuata tamatuma saniatigut paasivaa, Kunngit pingasuni, poorskip aappaani, pinsip aappaani aamma juullip aappaani inussiarnisaarluni erfalasulertoqarsinnaasoq, naak danskit pisortatigoortumik erfalasulertarfiginngikkaluaraat. Ulluni taakkunani Namminersorlutik Oqartussani aamma kommunini erfalasulertoqartareerpoq, taamaattumillu inussiarnisaarluni Kalaallit Nunaanni naalagaaffiup illuini inussiarnisaarluni erfalasulerneq akuerisaavoq, Nunatsinni Naalagaaffiup sinniisuata allagaani tamanna allaqqavoq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS