Kim Kielsenip politikkikkut pisut qimallugit aavariartoq

Politikkikkut aalassassimaartoqalernerani Siumumi Naalakkersuisunilu siulittaasoq Kim Kielsen Paamiunut aavariarluni aallarpoq

Naalakkersuisooqatigiinnik nutaanik ulluni tulliuttuni saqqumiisoqassanngilaq. Naalakkersuisup siulittaasuata Naalakkersuisoqarfiata Sermitsiaq.AG-mut nalunaarutigaa Kim Kielsen Paamiunut aavariartoq.

Kim Kielsen qaqagu Nuummukaqqissanersoq ilisimaneqanngilaq.

Kim Kielsen angutaavoq kisimiikkaangami eqqarsarluarnerusartoq, partiip allattaa Mikael Petersen KNR-imut oqarpoq.

Naalakkersuisooqatigiinnut isumaqatiginninniutissat Inuit Ataqatigiinnut aamma Demokraatinut nassiussisoqarsimasoq ilisimatitsissutigineqarportaaq.

Inuit Ataqatigiinnik isumaqatiginninniartoqassaaq septembarip 21-ani, tamanna Sara Olsvigip nalunaarutigereerpaa. Demokraatit siulittaasuata Niels Thomsenip isumaqatigineqarusunngillat

Powered by Labrador CMS