Isumaqatigiissummut akerliulluni taasisoq: Immikkut inissinneqanngitsut amerlavallaarput
Naalakkersuisut ataatsimeeqatigiinneranni Erik Jensenip mittarfissanut isumaqatigiissummut akerliulluni taasivoq
Mittarfinnut isumaqatigiissut Siumumi avissaartuutitsivoq. Tamanna Naalakkersuisut septembarip arferngani, arfineq aappaanni arfineq pingajuanilu ataatsimiinnerannit isumaqarniliami takuneqarsinnaavoq. Erik Jensenip isumaqatigiissut akerleralugu taasivoq.
Sisimiuninngaanneersuunini pissutigalugu taamatut taasinani oqarpoq:
- Suminngaaneernera aalajangiininnut attuumassuteqanngilaq, isumaqarpungali isumaqatigiissummi immikkoortut inissinneqanngitsut amerlavallaartut, soorlu aamma isumaqartunga kukkusumik tulleriiaarisoqartoq aningaasat taamak amerlatigisut suliniummut atorniarneqarmata, aningaasat Kalaallit Nunaanni tamarmi inuuniarnermi atukkanik pitsanngorsaanermut atorneqarsinnaagaluarmata, Erik Jensen (S) nassuiaavoq.
Allaaserineqartoq aviisimi Sermitsiami, aqagu saqqummertussami, tamakkiisumik atuarneqarsinnaavoq. Isumaqatigiissut nangaanartoqartillugu Erik Jensen erseqqinnerusumik itisiliilluni ilaatigut nassuiaavoq. Aviisi unnugu pisiarineqarsinnaaleriissaaq