GUX Nuummi timersornermik sammivilimmi ilinnialersut sisamassaat aallartipput

Ilinniagaq timersornermik sammivilik ukiunik sisamanik sivisussuseqarpoq, atuagarsorneq timersornerlu ataqatigiisillugit ingerlanneqarluni, taamaaliornikkut inuusuttut tamakkiisumik ineriartorsinnaanissaat periarfissiissutigaarput

Elite Sport Greenland Elite Sport Greenland

Ataasinngormat GUX Nuummi timersornermik sammivilimmi ilinnialersut sisamassaat aallartipput. Aallartittut 21-iupput, ilinniagarlu ukiunik sisamanik sivisussuseqarpoq, atuagarsorneq timersornerlu ataqatigiisillugit ingerlanneqarluni, taamaaliornikkut inuusuttut tamakkiisumik ineriartorsinnaanissaat periarfissiissutigineqarpoq.

- Tamatuma saniatigut ukiup ingerlanerani saqqummiisoqartarpoq ataatsimullu sungiusartoqartarluni, assersuutigalugu Malimmi. Timersuutit assigiinngitsut samminerini timersortartut imminnut sammisaqaqatigiinnikkut peqatigiilluarsinnaanissaat periarfissaavoq, taamaasillutik imminnut isumassarsiorfigalutillu eqqartueqatigiissinnaapput assersuutigalugu nerisaqarneq piumassuserlu pillugit, Elite Sport Greenland tusagassiutinut nalunaarummi allappoq.

Maannakkumut ukiuni ilinnialerfinni sisamani assigiinngitsuneersuni ilinniartut 73-iupput, taakkulu timersuutini assammik arsarneq, ujakkaarneq, sulorarneq, isikkamik arsarneq, sangusaarneq, snowboard-erneq kiisalu nerrivimmi arsaararneq sammineqarput.

Ilinniarlutik aallartittut siulliit 2019-imi aasakkut naammassissapput.

Powered by Labrador CMS