Cuba Pan Amimut peqataaniarnani nalunaartoq

Cuba Amerikap nunavittaani assammik arsarluni pissartanngorniunnermut peqataassanngilq, tassami piffissaq kingulleq atorlugu peqataaniarnatik nalunaarutigaat. KNR taama allaaserisaqarpoq.

Pissartanngorniunnerit aallartinneranni unammisussat siulliit unamminngitsoorput, matumani pissutaavoq, pissartanngorniunnissami peqataasussat Cubameersut tikinngitsoormata, PANAM-imi ataqatigiissaarisoq, Poul Petersen KNR-imut oqarpoq.

Cuba tallimanngornermi unnukkut kingusissukkut peqataaniarnani nalunaaruteqarpoq.

Pissutaa ilisimanngikkaa

- Cubamiut timmisartumut attartukkamut ilaasinnaasimanngillat, Canadakkoornissamut akuersissuteqanngimmata. Cubamiut nammineerlutik Europakkoorlutik angalaniarsimagaluarput tamannali iluatsissimanngilaat, sunarpiarli pissutaanersoq annerusumik ilisimatitsissutigineqanngilaq, ataqatigiissaarisoq Poul Petersen KNR-imut oqarpoq, timersoqatigiit sooq Nunatsinnut tikinnissartik iluatsissimannginneraat taassuma ilisimanngilaa.

Cuba unammiffissaraluamini ajorsartutut inissinneqartassasoq, Poul Petersenip tusagassiorfimmut innuttaasunik kiffartuussisumut oqaatigaa.

Suna tamarmi piareertoq

Timersoqatigiit peqataanngitsoortut eqqaassanngikkaanni ataqatigiissarisup suna tamarmi piareernerarpaa, pissartanngorniunnerlu aallartissinnaanngortoq.

Kalaallit Nunaat unnugu Colombiamut unammissaq, unammineq nalunaaqutq 21.00 aallartissaaq.

Powered by Labrador CMS