Birna Brjánsdóttirip toqutaanera pillugu suliaq eqqartuussisuuneqarfiani suliarineqalersoq
Thomas Møller Olsenip illersuisua suliassanngortitseqqinnermi uppernarsaatinik nutaanik saqqummiusserusuppoq
Birna Brjánsdóttirip toqutaanera pillugu suliaq, aamma Islandimi Eqqartuussisuuneqarfiani suliarineqalerpoq. Mbl.is taama allaaserisaqarpoq.
Thomas Møller Olsen siorna septembarip 29-anni ukiuni 19-ini paarnaarussassanngortinneqarpoq. Piffissap ingerlanerani nutaamik illersuisoqalerpoq, taassuma piareersarnermini suliassanngortinneqartumi uppernarsaatinik nutaanik saqqummiussinissani kissaatigalugu siumut kalerriutigaa.
Thomas Møller Olsenip angalaarnerata piffissalersorneqarnera ilaatigut misissoqqinneqrarnissaa kissaatigaa, Birna Brjánsdóttirip imaanut iginneqarfigisimasinnaasaanut ingerlassinini angumerisimasinnaaneraa misilitsinniarlugu.
Illersuisup aamma qaatigooq Birna Brjánsdóttirip aavanik nassaarfigineqartoq, Polar Nanormi nassaarineqartoq, illersugaata naammagineraa misilitsinniarlugu kissaatigaa.
Unnerluussisussaatitaasup aamma uppernarsaatinik nutaanik saqqummiussinissani kissaatigaa.
Eqqartuussisup maanna illersuisup aamma unnerluussisup kissaataat suliassanngortitseqqinnermi uppernarsaatit nutat saqqummiunneqartussat misissorpai. Tamatuma kingorna suliaq ullulerneqassaaq.