Sanaartornermi atortunik tunisassiortoq pisiarineqarpoq

H.P. Entreprenørmaskiner-imik, nunatsinni immikkoortortaqarfilimmik, Semler Gruppen pisiniaruni unammilleqatigiinnermut oqartussanit akuerineqaqqaartariaqarpoq.

Semler Gruppen pisinermigut sanaartornermik sanaartortunut maskiinanik pilersuinermik ukkataqalertussaavoq. Ingerlatseqatigiiffik biilinik nunalerinermullu atortunik tuniniaanermik ilisimaneqareerpoq.

Kiffartuussinermik immikkoortortaqarfik

Hans Peter Pedersenip 1981-imi H.P. Entreprenørmaskiner, sanaartornermi maskiinanik eqqussuiffiusoq, pilersippaa, suliffeqarfillu taanna H.P. Entreprenørmaskiner Grønland A/S aqqutigalugu Nuummi kiffartuussinermik ikkussuinermillu immikkoortortaqarfimmik peqarpoq.

- H.P. Entreprenørmaskiner suliffeqarfiuvoq nukittullunilu ingerlalluartoq, sanaartornermilu maskiinanut tunngasunik ilisimasaqarluartoq. Suliaqarfimmi pitsaanerpaamik pilersitsinissamut aammalu piginnaanivut angissuserpullu atorlugit sullitanut pitsaanerusumik kiffartuussinissamut pitsaanerpaamik pisinerput tunngaviliivoq, Semler Gruppenimi pisortaaneq Ulrik Drejsig tusagassiuutinut nalunaarummi oqarpoq.

Preben Bach Kalaallit Nunaanni Savalimmiunilu immikkoortortaqarfimmi pisortaasoq, Kalaallit Nunaannilu tunisassiornermi Kurt Hansen pisortaasoq, H.P. Entreprenørmaskinerip nittartagaani atuarneqarsinnaavoq.