Kuultip nunatsinneersutut uppernarsakkap nittarsaannissaanut periarfissaqarluartoq
Annikitsukkuutaamik aatsitassarsiornermik ingerlatsisoq Palle Møller kuultimik nunatsinneersutut uppernarsaasikkamik kuultinik annerusunik minnerusunilluunniit tunisassianik, suminngaanneerfiannik uppernarsaatilinnik tunisassiornissaanut Amoroq Minerals piumaffigineqartariaqartoq isumaqarpoq. Tamanna tusarniaanermut akissutini atuarneqarsinnaavoq.
”Nalunami kuultisiorfiup ammaqqinneqarneranut atatillugu kuultimik nunatsinneersutut, avatangiisinillu qajassuartumik qallorneqarneranik uppernarsaasikkamik kuultinik annerusunik minnerusunilluunniit tunisassianik, suminngaanneerfiannik uppernarsaatilinnik tunisassiornissaanut Amoroq Minerals piumaffigineqartariaqarpoq”. Taama pinnersaasiorfimmik Kassumik piginnittoq Palle Møller tusarniaanermut akissummini allappoq.
Aviisi Sermitsiaq taama allappoq.
Amaroq Mineralsip Nalunami kuultisiornermik suliniutaa marsip aallaqqaataa tikillugu tusarniaassutigineqarpoq, tusarniaanerullu pinerata nalaani Kujataani tusarniaalluni ataatsimiititsinerit aamma ingerlanneqarput. Ingerlatseqatigiiffik ukioq manna kingusinnerusukkut misiliutinik qalluinermik aallartitsissasoq ilimagineqarpoq.
Suliaq ersarissumik ingerlanneqartoq
Palle Møller naapertorlugu kuulti Nalunameersoq kuultinut nunarsuup sinneraneersunut allanut akuliunneqassappat, Kalaallit Nunaat nittarsaanneqarnissamut periarfissatsialammik annaasaqassaaq. Allatut oqaatigalugu qalluinerup avatangiisinik qajassuartumik pisimanera aatsitassarsiorfimmillu pisisartumut nioqqutissap ingerlaarnera ersarissuullunilu uppernarsarneqarsinnaasariaqarpoq.
Aviisimi Sermitsiami atuarnerusinnaavutit. Aviisi uani pissarsiariuk:
