Frimærkini nutaani kakiornerit oqaluttuassartaat

Tusass frimærkinik nutaanik sisamanik saqqummersitsivoq. Taakkunannga marluk Tusassip 2022-mi frimærkit nangeqattaartut kakiornernut tunngasut saqqummersittaligaaneersuupput, nunatsinni inuit kakioriaasitoqqat nuannarineqaleraluttuinnarmata.

Tusass nittartakkamini taama allappoq.

Frimærkit nutaat marluk inuusunnerusunit Ujammiugaq Møllerimit aamma Mimi Josefsenimit, meeraanerminniit ikinngutigiissimasunit, siullermeerlutik frimærkiliarineqarput.

- Kalaallini arnani amerlasuuni takusartagara titartarniarsarisimavara, tassa silarluttumi eqqissisimaneq. Susoqaraluarpalluunniit isikkat nunamut tunngatinneri, Ujammiugaq Møller oqarpoq.

Hans Egede radioqarfillu

Frimærkit nutaat allat marluk Sparekassernes Skolespareordning-imit, 1957-imi Kalaallit Nunaanni atuutilersinneqartumit, frimærkini oqaluttuarisaanermut tunngasuni qulini kingullersaraat.

Frimærkit nutaat allat marluk Sparekassernes Skolespareordning-imit, 1957-imi Kalaallit Nunaanni atuutilersinneqartumit, frimærkini oqaluttuarisaanermut tunngasuni qulini kingullersaraat.

Frimærkit Alex Secherimit suliarineqarsimasut, kalaallillu aningaasanik katersuisinnaanerannik siuarsaanissaq siunertaasimasoq, Tusassip paasissutissiissutigaa:

- Frimærkimi siullermi Nuummi Hans Egedep eqqaassutissaa najoqqutaralugu Alex Sechersip assinga saqqummersippaa. Eqqaassutissaq 1921-mi Hans Egedep tikinneraniit ukiut 200-nngortorsiortoqarnerani ivertinneqarsimavoq.

- 1921-mi ullorsiortoqarnerani Kong Christian X umiarsuarmik nunatsinnut tikissimavoq. Taamani umiarsuaq radiokkut aallakaatitsivimmik nutaaliamik atortorissaaruserneqaqqammersimavoq. Iluaqutaasimaqimmat 1924-mi Qaqortumi, Nuummi, Qeqertarsuarmi Tasiilamilu radioqarfinnik sanaartortoqarsimavoq. Radioqarfik siulleq aappaaguani atorneqaleqqaarsimavoq. Frimærkip aappaani radioqarfiit ilaasa silataaniit assinga saqqummerseqqinneqarpoq, Tusass allappoq.