Brugseni digitalikkut qinersinissamut aggersaavoq
Kalaallit Nunaanni Brugseni siulersuisunut qinersivinnut marlunnut qinersititsissaaq.
Apriilip affaani siullermi Brugsenimi siulersuisuni atorfinnut marlunnut qinersisoqassaaq.
Brugseni ilaasortanit pigineqarpoq, ukioq mannalu qinersivinni Nuummi, Qaqortumi Maniitsumilu ilaasortaasut kajumissaarneqarput suliffeqarfiup nittartagaani qinigassanngortinnertik nalunaarutigeqqullugu.
- KNB-mi maanna siulersuisuusut aalajangiussisimapput 2024-mi siulersuisunut ilaasortassanik qinersineq atortut digitaliusut kisiisa atorlugit ingerlanneqassasoq, ilaasortassatut qinigassanngortinnissamik nalunaaruteqarnermut qinersinermullu atatillugu, Brugseni tusagassiuutinut nalunaarummi allappoq.
Aqutseqataassasut
Siulersuisuni ilaasortatut pisiniarfiuteqarfiup ineriartortinneqarneranut aqutseqataasoqarsinnaavoq, siulersuisuni siulittaasoq Avijâja Rosing-Olsen oqarpoq:
- Kalaallit Nunaanni peqatigiiffiit ilaasortanit pigineqartut annersaattut illoqarfinni innuttaaqatigiinnut akuuffigisatsinnut iluaqutaavissornissamut immikkut ittumik periarfissaqarpugut.
- Peqatigiiffitta oqartussaaqataanermik aallaaveqartup qulakkiissavaa suliffeqarfiup siulersuisuinut ilaasortaatitaanit qinigaasunit nunatsinniittunit aqunneqarnissaa, qinigaasullu suliffeqarfiup qullersaqarfianiittut peqatigalugit nunatsinni niuertarfeqarfiit ineriartornissaanut pilersaarusiorsinnaapput, Avijâja Rosing-Olsen oqaluttuarpoq.
Siulersuisunut ilaasortat taakku marluk ukiunut marlunnut qinerneqassapput. Brugsenimi qinersiviit ima agguataarneqarput:
- Narsaq/Nanortalik/Paamiut
- Qaqortoq/Maniitsoq
- Sisimiut/Ilulissat
- Nuuk