KL

DK

NUUK

Sisorarfiit aningaasatigut ikiorneqarput

Sisorarfiit 75.000 koruuninik tunineqassasut, Nuummi Najukkami Ataatsimiititaliaq kingullermik ataatsimiinnermini aalajangerpoq. Meeqqat inuusuttullu sisoraatissaannik, sisorartup ajaappiassaannik, sisoqqatinik kamippassaannik niaqorornaveeqqutissaannillu pisinissamut aningaasat atorneqassapput.

Sisoraatinik nutaanik meeqqat inuusuttullu ulluinnarni akeqanngitsumik atorsinnaasaannik, pisinissamut Sisorarfiit 75.000 koruuninik aningaasaliiffigineqarput
Journalist

Meeqqanut inuusuttunullu 17-it tikillugit ukiulinnut ulluinnarni majuartaammik sisoraatinillu akeqanngitsumik atuinissamik, Sisorarfiit 2018-imiilli neqerooruteqarsimapput.

- Neqeroorut tamanna iluatsilluarpoq, piffissallu ingerlanerani amerlanerusut neqeroorut atorluartarpaat. Meeqqat inuusuttullu aammattaaq aningaasatigut pissakilliortut sammisassaqartinneqarnissaannut Sisorarfiit peqataasinnaagamik nuannaarutigaat. Sisoraatinik attartortakkanik pisinissamut Nuummi Najukkami Ataatsimiititaliaq peqataasinnaappat Sisorarfiit nuannaarutigissavaat. Aamma annikinnerusumik tapiissuteqartoqarsinnaavoq, Najukkami Ataatsimiititaliamut qinnuteqaatigineqartumi allassimavoq, taannalu marsip 13-iani ataatsimiippoq.

Allat aningaasannapput

Qinnuteqaat ingerlatsinermut pisortap Bruno Heilmannip siulittaasullu Hans B. Noahsenip suliarisimasaat naapertorlugu, meeqqanut sisoraatinik 50-inik inuusuttunullu/inersimasunut sisoraatinik 25-nik pisinissamut aningaasanik Sisorarfiit qinnuteqarsimapput, taamaalilluni katillugit 255.000 koruuningajannik naleqassallutik.

Nuummi Najukkami Ataatsimiititaliaq ukioq manna 3 millionit koruuninik siunertanut assigiinngitsunut agguaanneqarsinnaasunik aningaasaateqarpoq.

Sisorarfiit kisimik aningaasaliiffigineqanngillat. Aajuku qinnuteqaatit ilaat najukkami ataatsimiititaliamit akuerineqarlutik taperserneqartut:

  • Tang - nerisassatigut kulturi tamanut: 30.000 kr.
  • NuQi’p programminut ineriartortitsinissamut suliniutaa: 50.000 kr.
  • Rulleskøjte & Løbehjul Disko: 30.000 kr.
  • Akeqanngitsumik eqaarsaarneq - atortussat amerlanerusut: 25.000 kr.
  • Tarrat Akornanni: 70.000 kr.
  • Nuuk International Film Festival: 75.000 kr.
  • Poorskimut tusarnaartitsineq: 21.000 kr.
  • Lavineskilte 14.000 kr.
  • Nakuusa - Meeqqat Ulluat, 1. juni 2024: 40.000 kr.
  • New Music Days: 25.000 kr.
  • Katuarpalaaq 2024: 50.000 kr.
  • Maaji nuann: 125.000 kr.
inuiaqatigiit samfund
Powered by Labrador CMS