Qaqortumi nanoqaqqittoq
Qaqortumi innuttaasut arlallit illoqarfiup qanittuani nannumik ataasinngornermi ualikkut takupput. Sapaatit akunneri kingulliit illoqarfiup qanittuani nannunik arlalinnik takusoqattallaavoq.
Annonse
Qaqortup eqqaani nanoq ataasinngornermi ualikkut innuttaasunit arlalinnit takuneqarpoq. Tamanna arlalinnik Sermitsiamut uppernarsarneqarpoq.
Kujataani nannuttassat tamakkerlutik pisarineqareersut, Kommune Kujalleq sapaatip akunnerani kingullermi nalunaarpoq.
2024-mi nannuttassat sisamaapput, pingasunngormallu marsip 13-ianni Aappilattup eqqaani nanoq kingulleq pisarineqarpoq.
Pisassiissutit ilanissaanik qinnuteqartoqartoq
Kommunalbestyrelsimut ilaasortap Anders Olsenip nannuttassat amerlineqarnissaanik piumasaqaqqammerpoq.
Kalaallit Nunaanni Politiit ilisimatitsipput nanoq pillugu suli nalunaaruteqartoqanngitsoq.
