Hashimik 1,8 kiloteqarluni unitsinneqartoq
Angut inuusuttoq hashimik timiminut nipittartumik nippussuisimasoq Kangerlussuarmi ilanngaaserisuniit sisamanngormat unitsinneqarpoq
Annonse
Sisamanngormat ullup-qeqqata missaani angut inuusuttoq ilanngaaserisuniit Kangerlussuarmi unitsinneqarpoq.
Angut 20-t missaannik ukioqartoq Danmarkimiit tikeqqammersimavoq, hashimillu 1,8 kilomik timiminut nippussuisimasoq paasinarsivoq.
Kalaallit Nunaanni Politiit pigaartuisa pisortaat, Bjørn Bjerregaard, Sermitsiamut taamatut paasissutissiivoq.
Politiit akuliupput, angullu tigusarineqarpoq.
Angutip inuusuttup eqqartuussaanissaa eqqaassanngikkaanni suliap qanoq ingerlaqqinnissaa pillugu Bjørn Bjerregaard, tallimanngormat ullaakkut oqaaseqarsinnaanngilaq.
