KL

DK

Air Greenland akikinnerusunik bilitsinik annertusaaniarpoq

Nuummi mittarfittaassaq 28. novemberimi ammarneqarpat, Air Greenland akikinnerusunik bilitsinik annertusaassaaq - Fly n'Sleep illoqarfinni arlalinni atorneqarsinnaalissaaq.

Air Greenlandip timmisartuussinermi Fly n'Sleep-imik aaqqissuussinini annertusarniarpaa, ukioq manna kingusinnerusukkut Nuummi atlantikukkoorutinut mittarfik ammarneqarpat.
Tusagassiortoq

Ukiukkut timmisartuussinerit nutaat aallartippata, Københavnimeersut Nuukkut unnuisinnaalissapput Fly n'Sleep atorlugu.

- Angalasut Narsarsuarmeersut, Paamiuneersut, Maniitsumeersut, Sisimiuneersut, Aasianneersut, Ilulissaneersut Kulusummeersullu Nuuk unnuiffissatut atorsinnaavaat, Air Greenlandimi attaveqaqatigiinnermut pisortaq, Inga Dora G. Markussen, Sermitsiaq.AG-mut oqarpoq. Angalasut namminneq unnuiffissaminnik inniminniisassapput akiliisassallutillu.

Akit

Angalanissamut taamaattumut bilitsit 2.595 koruuniniit akeqartinneqassapput mittarfinnut akitsuut ilanngutereerlugu.

Angallavinnut ukununnga qaavatigut akiliuteqarlutit angalasinnaassaatit:

  • Kulusuk/Tasiilaq
  • Qaarsut/Uummannaq
  • Ilulissat/Qasigiannguit
  • Narsarsuaq/Qaqortoq
  • Narsaq 
  • Nanortalik
  • Upernavik 

- Akit taakkunani assigiinngiiaarput, piaarnerpaamillu tuniniarneqalissaaput, attaveqaqatigiinnermut pisortaq oqarpoq.

inuiaqatigiit samfund
Powered by Labrador CMS