62 kiilo hashi aningaasallu 4,7 millionit koruunit siorna arsaarinnissutigineqartut
Kalaallit Nunaanni Politiit kisitsisaataasa nutaat takutippaat siorna ikiaroornartunik inatsimmik unioqqutitsisimasut 2022-mut sanilliullugit ikileriarsimasut. Aningaasanilli arsaarinnissutigineqartut amerlisimapput.
Kalaallit Nunaanni Politiit ukiumoortumik nalunaarusiaanni kingullermi takuneqarsinnaavoq siorna 2023-imi hashi 62 kilo aningaasallu 4,7 millionit koruunit arsaarinnissutigineqartut.
Hashi 129 kilo 2,1 million koruunillu 2022-mi arsaarinnissutigineqarput.
Hashit arsaarinnissutigineqartut siornamut sanilliullugit ikileriaraluartut aningaasanik arsaarinnissutigineqartut ukiunut siuliinut sanilliullugit amerleriarsimapput.
Suliani 580-iusuni 46-t iisisimalluni anngiortumik eqqussinertut nalunaarsorneqarsimapput.
Hashiinnaanngilaq
Politiit hashi aningaasallu kisiisa arsaarinnissutiginngilaat, aammali ikiaroornartut allat soorlu Ritalin, LSD, kokain, svampit, steroidit, motoron, amfetamin aamma CBD-p uuliaa siorna arsaarinnissutigineqarput.
Aalajangiinerit
2023-mi ikiaroornartunik pinerluuteqartut 77 procentii pisuutinneqarput, 2 procentii pinngitsuutinneqartut kiisalu 21 procentii unnerluunneqaratik.