Ilulissani qimmit perlerulersinnaanerat aarlerinaatikitsoq

Ilulissani terianniaq illoqarfimmi siumorneqartoq tallimanngornermi 1. marts toqunneqarpoq. Terianniaq perlerorsinnaasutut pissusilersortoq, Ilulissani sumiiffimmi aalajangersimasumi qimminut qimuttunut qaninngoorsimavoq.

Aalisarnermut piniarnermullu naalakkersuisoqarfik maanna ilisimatitsivoq qimmit perlerulersinnaanerannut aarlerinaataat annertunerunngitsoq, taamaattumillu Avannaata Qimussersua sumiiffimmi qaammatip naanerani ingerlanneqarsinnaajumaartoq:

- Qimmit pineqartut toqunneqanngikkunik kapineqarput mattunneqarlutillu. Illoqarfiup immikkoortuani pineqartumi allagartaliisoqarsimavoq. Tamatuma saniatigut qimmit pineqartut sumiiffiisa eqqaanni qimmit tamaasa nutartikkamik perlerornermut akiuussusersorneqarsimanersut misissorneqarput.

Toqunneqartoq aamma akiuussusersuineq

- Kalaallit Nunaanni Uumasunut Nakorsaqarfimmit Inuussutissalerinermullu Oqartussaaffimmit Ilulissani qimmit perlerulersinnaanerisa Nunatta sinneranut sanilliullugu annertunerusorinngilaat pisorlu Avannaata Qimussersua 2024 Ilulissani qaammatit naalernerani ingerlanneqartussamut kingunipilunnavianngitsutut nalilerlugu.

Uumasut Nakorsaqarfik Inuussutissalerinermullu Oqartussaaffik naapertorlugu qimmit marluk toqunneqarput, aqqanillillu akiuussuseqqillugit kapineqarlutik.