Digitalinngortitsinermut Aqutsisoqarfik immikkoortortaqarfimmik nutaamik pilersitsivoq
Immikkoortortaqarfimmik nutaamik pilersitsinikkut cyberimi aamma paasissutissanik isumannaallisaanermi tunngasunik suliaqarnerminik Digitalinngortitsinermut Aqutsisoqarfik pitsanngorsaavoq, tassanilu maannakkut fuldmægtiginik marlunnik inuttassarsiortoqarpoq.
Nalunaarasuartaateqarnikkut aqutsisoqarfiup kisimi paasissutissanik isumannaallisaaneq ukkatarinngilaa. Kalaallit Nunaanni cyberimi paasissutissanillu isumannaallisaanerup iluani ilisimasanik qaffassaasussamik immikkoortortaqarfimmik nutaamik pilersitsisoqartoq, Digitalinngortitsinermut Aqutsisoqarfiup atorfimmut inuttassarsiuussinerani allassimavoq.
- Immikkoortortaqarfimmi sulisut sisamaapput, taakkunani immikkoortortaqarfimmi aqutsisoq ilaavoq, atorfimmut inuttassarsiuussinermi allassimavoq, qinnuteqarfissallu killinga tassaavoq marsip 17-iat.
Sillimaniarnermut tunngatillugu ilisimasaqarneq
- AC-fuldmægtig-itut Kalaallit Nunaanni sillimaniarnermut tunngatillugu ilisimasaqarnermik siuarsaanissamut qitiusumik inissisimassaatit.
Atorfik pillugu atuarit: Atorfiup inuttassarsiuunneqarnera takuuk
Immikkoortortaqarfimmi tunngaviusumik cyberimi aamma paasissutissanik isumannaallisaaneq ukkatarineqartarpoq, tassanilu Kalaallit Nunaanni pisortaqarfinni, suliffeqarfinni innuttaasunilu suliassaqarfiit akimorlugit cyberimi aamma paasissutissanik isumannaallisaanerup pitsanngorsarnissaanut siunnersuisarlutillu ilitsersuissapput.